افغانستان

اخراج‌اجباری مهاجران افغان از کشورهای همسایه خلاف قوانین بین‌المللی است

اندریکا رتواتی، معاون نماینده ویژه سازمان ملل متحد در افغانستان در دیدار با مولوی عبدالسلام حنفی، معاون اداری رییس‌الوزرا، گفته که کمک‌های بشردوستانه جامعه جهانی به افغانستان ادامه می‌یابد.
ارگ در خبرنامه‌ای از دیدار آقای رتواتی با آقای حنفی، خبر داده است.
در این دیدار معاون یوناما از تلاش‌ها و همکاری‌های امارت اسلامی در راستای توزیع کمک‌های بشردوستانه، برای شهروندان افغانستان به‌ویژه با زلزله‌زدگان هرات و مهاجران برگشته، امنیت سراسری، مبارز با مواد مخدر و فساد اداری، استقبال کرده است.
اندریکا رتواتی، ادامه اخراج‌اجباری مهاجران افغانستان از کشورهای همسایه را خلاف قوانین بین‌المللی مهاجرت دانسته است.
در خبرنامه آمده که مولوی عبدالسلام حنفی، معاون اداری رییس‌الوزرا از کمک‌های بشردوستانه جامعه جهانی به مردم افغانستان، قدردانی کرده است.
معاون اداری رییس‌الوزرا از همکاری امارت اسلامی در توزیع کمک‌های بشری به مردم افغانستان با نهادهای بشردوستانه، اطمینان داده است.
این در حالی است که همه‌روزه از سوی برنامه جهانی غذا برای هزاران خانواده در ولایت‌های مختلف کشور، کمک‌های بشردوستانه توزیع می‌شود.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *