باختر دولتي خبري آژانس د خپلو خپرونو د پراختیا او پر وخت د معلوماتو رسولو په موخه پر نورو ژبو سربېره، په چینايي ژبه هم خپلې خپرونې پیل
کړې.
باختر آژانس یوازینی دولتي آژانس دی، چې اوسمهال په دوو رسمي ژبو ( پښتو، دري) سربېره ازبکي، انګلیسي، اردو، عربي، روسي ژبو خپرونې کوي، چې اوسمهال یې په چینايي ژبه هم خپرونې پیل کړې.
د باختر آژانس اداره هڅه کوي، چې راتلونکي کې د ژورنالېزم په ډګر کې غوره چوپړ ترسره او خپلې خپرونې په ترکي ژبه هم پیل کړي.
