شریعت: د ۱۴۰۲ لمریز کال (د وري میاشتې د لومړۍ تر ۳۱ مې نېټې) ۵۳ زره ۹۹۹ تنه د ورېښمو پُل له لارې هېواد ته راستانه شوي دي.د نيمروز ولايت د کډوالو او بېرته راستنېدونکو چارو ریاست مسوولين وايي، چې په دغو کسانو کې ۷۹۲ کورنۍ، (۳ زره ۳۱۴) تنه او همدارنګه ۵۰ زره ۶۸۵ تنه مجرد افغان کډوال له ایران څخه د ورېښمو پُل له لارې هېواد ته راستانه شوي دي.
مسوولینو زیاتوي، چې له ۳ زره ۲۴۵ بې وزلو کسانو سره د همدې ادارې په همغږۍ د کډوالو نړیوال سازمان (IOM) موسسې له خوا خوراکي او نغدي مرسته شوې ده او همدارنګه له کورنیو سره هم د خوراکي او غیر خوراکي توکو مرسته شوې ده.
