افغانستان

د بغلان ترافیکو مدیریت څه باندې ۱۰۸ میلیونه افغانۍ عواید راټول کړي

د بغلان د ترافیکو مدیریت د روان کال په بهیر کې ۱۰۸ میلیونه ۲۰ زره افغانۍ عواید راټول کړي دي.
د بغلان د ترافیکو مدیر قاري نذیر الله عابدي د باخترآژانس خبریال ته وویل چې دغه عواید لایسنس او جوازسیر له درکه راټول او د دولت خزانې ته یې سیارلي دي.
نوموړي زیاته کړه، چې تېرکال د یاد مدیریت عواید یومیلیونه ۲۶۵ زره افغانۍ وو چې د تېرکال په پرتله سږکال د یاد مدیریت عواید څه باندې ۱۰۷ میلیونه افغانۍ زیاتوالی ښيي.
د یادونې وړ ده، چې نوموړي د پیسو د راټولولو په بهیر کې د شفافیت ډاډ ورکړ او زیاته یې کړه، موږ هڅه کوو چې په راتلونکي کال کې ډیر عواید راټول کړو.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button