د (ډیپلوماتیک تخصصي روزنیز پروګرام) تر نامه لاندي لنډ مهاله کورس پیل شو

شریعت: د بهرنیو چارو وزارت په ډیپلوماسۍ ریاست کې د( دیپلوماتیک تخصصي روزنیز پروګرام) تر نامه لاندي لنډمهاله کورس پیل شو.

د بهرنیو چارو وزارت د ویاند مرستیال په خپل ټویټر کې د دې خبر په خپرولو سره ویلي چې په دې کورس کې د یو دېرش مختلفو وزارتونو او اداراتو ګڼ شمیر کارکوونکي برخه لري او درې میاشتي به دوام کوي.

د بهرنیو چارو د وزارت مرستیال ویاند حافظ ضیا احمد زیاته کړې ده چې په دی پروګرام کې به متخصصین استاذان د ډیپلوماسۍ مباني،   نړیوالي اړیکي، د نړیوالو سازمانونو پېژندنه، د اسلامي امارت تاریخ، تګلاره او اهداف او فکري روزني په شمول دوولس مضامین تدریس کوي.