افغانستان

د کرنې او مالدارۍ مرستیال د ترکیې د اسلامي همکاریو سازمان له استازي سره وکتل

د کرنې، اوبولګولو او مالدارۍ وزارت د کرنې او مالدارۍ مرستیال مولوی صدراعظم عثماني د خپل کار په دفتر کې د ترکیې د اسلامي همکاریو د سازمان د بشري مرستو د څانګې له رییس خلیل ابراهیمي سره وکتل.
د کرنې او مالدارۍ مرستیال په دې غونډه کې وویل، چې د افغانستان کروندګر او مالداران لا زیاتو مرستو او ملاتړ ته اړتیا لري او اړتیا ده، چې د کروندګرو او مالدارانو پر پښو د درولو په پار د دوی لاسنیوی ووشي.
دغه راز ښاغلی عثماني زیاته کړه، چې د امارت په بریا سره د نشه یي توکو کښت بند شوی او خلک حلال کښت ته مخه کړي، نو اړتیا ده چې خیریه بنسټونو او مؤسسې دې ددې هېواد له بزګرانو سره مرستې او همکارۍ وکړي ترڅو له بېوزلۍ او ستونزو خلاص شي.
په پای کې د ترکیې د اسلامي همکاریو د سازمان د بشري مرستو د څانګې مشر خلیل ابراهیمي له افغان بزګرانو او مالدارانو سره د بشري مرستو د دوام او زیاتوالي په اړه خبرې وکړې.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *