کاغذ

زما نظر دادی

سالمزی

زما نظر دادی چې د تیرو څلورولسیزو د ناخوالو او بد بختیو، فقر او غربت نیابتی جنګونو، او د نړۍ د استخباراتي فعالیتونو لپاره دا طرحې او نقشې د چالخوا او د څه لپاره د طرحه شوې د افغانانو له دین او وطن سره مینه خو ټولو نړیوالو ته لکه د لمر څرګنده ده چې د هر اشغالګر په وړاندې د مقابلې او سرښندنې ډګر ته یواځي همدا ملت ؤ چې د نړۍ د سترو فرعوني طاقتونو د طیارو او تانکونو په وړاندې یې خپلې سینې سپر کړی او د نړۍ د دیو سترو امپراطور د ماتولو ویاړیې را خپل کړ چې دا د اسلام او وطن سره زموږ د مؤمین او باتور ملت د مینې څرګندونه کوي خود نړۍ د استکباري او استعماري طاقتونو ته د یرغل او فرصت په برابرولو کې یو شمیر پلورل شویو او روزل شویو ایجنتیانو څخه ګټه اخیستل شوې او د هغوی په مرسته او همکارۍ زموږ په سپیڅلې خاوره یرغل کړی او زموږ مظلوم ملت یې له کوم جرم او ګناه پرته پخپلو وینو او اوښکو لمبولی او د هغوی د بې دریغه اولا مثاله قربانیو په پایله کې د وخت فرعونانو ته په خپل متین عزم، کلک ایمان او پیاوړي هوډ ماته ورکړې چې د خپلې ماتې په اړه د وخت د بیلابیلو اشغالګرانو لخوا د افغانانو د ارادې په باب څرګندونې کړي د بیلګې په توګه د انګریزي استعمار څخه د هېواد، د خپلواکۍ او استقلال د ترلاسه کولو او زموږ په هېواد کې د هغوی د بشپړې ماتې په هکله د هغه وخت د بریتانیې صدراعظم ګلاډیسټون ویلي ؤ له هغه ملت سره څوک څه کولی شي چې هغوی جنت د ټوپک په میل کې ګوری او په خپل شهادت او زخمونو افتخار کوي چې له هغوی را وروسته د وخت شوروي اتحاد چې په نړۍ کې یې سیال نه درلود زموږپه هېواد کې د خپل روزل شویو ایجنټانو نورمحمد(تره کي)، حفیظ الله(امین)، ببرک کارمل او ډاکټر نجیب په واسطه او د روسانو په غیر مستقیم حمایت او قومانده د شهید محمدداؤد نظام رانسکور کړ د روسانو او د وارسا پکت غړو هېوادونو چې مشري یې روسانو کوله پر افغانستان یرغل ته لار پرانیسته چې د افغان مسلمان او مجاهد ملت یې په تش لاس مقابله پیل کړه او د ۱۴ کلن اوږده جنګ او جهاد په پایله کې یې ټیټ سرونه د خپلې خاورې ویستلو ته اړ کړل او د ۱۳۶۸ هـ ش کال د دلوې په ۲۶ نیټه وروستی روسي عسکر د حیرتان د پله له لارې په داسې حال کې چې د مجاهدینو له لوري پري فیرونو دوام درلود زموږ له هېواد د خیر غوږونه او د اوښکو ډکې سترګې ووتل چې په افغانستان کې د روسي قواو قوماندان جنرال ګرموف په افغانستان یرغل د روسي چارواکونه جبرنیدونکې اشتباه وبلله چې په نتیجه کې یې شوروي اتحاد ټوټه ټوټه او د وارسا پکټ غړو هېوادونو هم خپله آزادي واخیسته خو زموږ د جهاد دوهم مهم هدف چې په افغانستان کې د اسلامي نظام قیام ؤ مجاهدین د اقتدار په سر په خپلو کې په شخړو واوښتل د کوم نظام لپاره چې زموږ ملت خپلی ککرۍ د الله حضور ته نذرانه او په میلیونونو شهیدان ورکړل او په سلګونه زره یې معلول شول چې له هغې را وروسته د زمانې تر ټولو لوستر فرعوني ځواک و د ناټو ائتلاف زموږ په هېواد د یرغل وکړ او له هر ډول مادي امکاناتو څخه په ګټې اخیستنې سره د شل کلنې اوږدې جګړې په لړ کې پدې بریالي نشول چې افغانان ایل کړي چې بالاخره نظامي او سیاسي چارواکویې پخپله ما ته اعتراف وکړ او افغانستان یې د اشغالګرو قبرستان یاد کړ او د وږي په نهمه زموږ له خاورې وروستي امریکايې د شپې په طیاره ناهیلی ووت زموږ ملت چې یو مجاهد او مؤمن ملت دی او د هر اشغال په مقابل کې یې په میړانه د هغوی مقابله کړې په کار ده چې زخمونه یې ټکورشي او ناهیلي یې په هیله مندۍ بدله شي په غیز کې ونیول شي او ښکې یې و چې شي او د هېواد او ملت دښمنانو تر د دې فرصت په لاس ورنشي چې د اسلامي امارت او ملت ترمنځ د تفرقې په لټه کې دي نظام له ملت څخه جوړ دی او حکومت په ملت کیږي په هر شکل چې کیږي د ملت رضایت د حکومت کولو لپاره لومړنی شرط دی اړینه ده چې د ملت مشروع غوښتنې او نیکې مشورې ومنل شي او پوښتنو ته یې لازم او مثبت ځواب ورکړل شي.
ومن الله توفیق

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *