افغانستان

سږکال پنجشېر کې ۳۶ پروژې ګټې اخیستنې ته وسپارل شوې

د پنجشېر ولايت د کرنې، اوبو لګولو او مالدارۍ ریاست په روان کال کې د واټرشيډونو او چکډیمونو د ۳۶ پروژو د بشپړولو خبر ورکړی دی.
د یاد ریاست مشر قاري فضل الله دیوبند ويلي، چې دغه پروژې په مرکز بازارک او شتل، عنابه او رخه ولسوالیو کې ۶۶۶زره او ۱۰۰ امریکايي ډالرو په لګښت بشپړې شوې دي.
د نوموړي په خبره یادې پروژې د ملګرو ملتونو د خوړو او کرنې سازمان او د افغانستان لپاره د ناروې کمېټې په مالي ملاتړ د سېلابونو او باران اوبو د مدیریت او ترځمکې لاندې د اوبو سطحې د پیاوړتیا په موخه تطبیق شوې دي.
د یادونې وړ ده، چې سرچینې همدارنګه وویل چې د یادو پروژو د تطبیق پر مهال ۹۴۰ کسانو ته د کار زمینه هم برابره شوې وه.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *