ادبشعرونه

غزل

انس حقاني

انس حقاني

شور د خاموشۍ مې د جهان له سترګو خــوب وړی

حسن او ځوانۍ مې د جانان له سترګو خـــوب وړی

زما په بېلتانه کې یې  سـړې اوښکې توی شـــوي دي

خړې ملنګۍ مې د اسـمان له سترګو خـــــوب وړی

کاشکي په دي پوه شې د کنعان اولاد چـــــې امن یم

دری پوړه کښتۍ مي د طوفان له سترګو خوب  وړی

لټ په لټ د ژوند په کټ کـــې اوړي په یو بل لوري

راز د عاشقۍ مـــې د ارمان له ســترګو خــوب وړی

لویو توپانونو،  زلـــزلو له خـــوبه ویـــښ نکــــــړم

ستا یوې سلګۍ مې،  څه اسان له سترګو خوب وړی

زړه د انس مـــــوم شو، نن یې یار ته داســـــې وویل

مینې لیونۍ مــــې،  په ایمان له ســـترګو خوب وړی

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Check Also
Close