جار دې شم برما او فلسطین خورې
نۀ اوري هیڅـوک ستـا د ژړا چیغې
ویـرې د مـرگ واړه غلي ڪړي دي
نـه اوري د وا مـعـتـصـمـا چـیـغــې
غـم د انتـقام چـــاسره نشته دی
فـکر د اقـدام چــاسره نشته دی
رسي یې غـوږونـو ته دا ســتا چیغې
نـه اوري د وا مـعـتـصـمـا چـیـغــې
ظـلم د یهـودو او هــندوانو اخ
هـلته د بې دینـو چیــنایانـو اخ
څنــگه به یې هیـرې شي بیـا دا چیغې
نـــۀ اوري د وا مـعـتـصـمـا چـیـغــې
بندې دروازې داسې حیران ښکاري
بـیـتُ المقدس مو بندیوان ښکاري
نشتـه د جـهــاد او د غـــزا چیــــغې
نـه اوري د وا مـعـتـصـمـا چـیـغــې
بیـا صــلاح الـدین ایـوبـي غــــــواړي
د طارق او معتصم غوندې زلمي غواړې
دا مظلومې اوښکې د اقصی چیغې
نـــۀ اوري د وا مـعـتـصـمـا چـیـغــې
زموږ مسلمه خور د مسلمانه ده
مظلـومـه عـافیه مـو بنديـوانه ده
ویې کړې ٱمت ته له کیوبا چیغې
نـــه اوري د وا مـعـتـصـمـا چـیـغــې
فرض جهاد په هر یو مسلمان دی نن
هاغه که بوډا دی او که ځوان دی نن
وکــړئ د قیـام د سپین سبا چیــغې
نـه اوري د وا مـعـتـصـمـا چـیـغــې
نه ارزي دا ژوند په خم سترگۍ روره
فـانـي ده او نیـمـگـــړې دنیاگۍ روره
«نظامه» د غیرت وکړه رښتیا چیغې
نـــۀ اوري د وا مـعـتـصـمـا چـیـغــې
ش/نظام الدین شریفي
