په دغه سیالي کې د امام ابو يوسف رحمه الله عالي دارالعلوم یو تن زده کوونکي د ننګرهار ولايت په سطحه په حفظ او تجويد کې لومړی مقام ګټلی دی.د حج اوقافو وزات له لوري، د هیواد په ۳۴ ولایتونو کې د حفظ، تجوید او قرأت سیالۍ په لاره اچول شوې، چې یادې سیالۍ دوه پړاوونه لري؛لومړې پړاو په ولایاتو او دوهم په مرکز کابل کې د ټول هیواد په کچه ترسره کېږي.چې په ننګرهار ولایت کې د امام ابو یوسف (رحمه الله) عالي دارالعلوم یو تن زده کونکي حافظ محمد عمیر (ابراهيمي) د ننګرهار ولايت په سطحه لومړی مقام ګټلی دی.په همدې اساس د دارالعلوم ادارې د یوې ستاینغونډې په ترڅ کې نوموړی زده کونکی په مادي او معنوي ډالیو ونازوه او په راتلونکې کې یې ورته د بریالیتوب دعا وکړه.د یادونې وړ ده، چې یاد دارالعلوم پخوا هم په ورته سیالیو کې غوره مقام ګټلی.
