د ننګرهار د کرنې ریاست مسوولین وايي، چې د دې ولایت په ۲۱ ولسواليو کې بزګرانو په ۲۸۹۵ هکټاره ځمکه پنبه کرلې، چې د تېر کال په پرتله به څو برابره زيات حاصل ترې ترلاسه شي. د کرنې ریيس عبدالستار محمد وايي، چې تېر کال د ۱۱ ولسواليو په ۱۰۶۳ جريبه ځمکه پنبه کرل شوې وه، چې ۱۷۸۲ مټريک ټنه حاصل ترې ترلاسه شوی و. د کرنې ریيس وايي يادو بزګرانو ته يې د پنبې ناروغيو مخنيوي، اوبو لګولو، کرنيزو عمليو، بازار موندنې، سرې ورکولو او حاصل ټولو په برخو کې عملي رزونه ورکړې ده.
