افغانستان

هرات کې څه باندې ۲۰۰ میلیونه افغانۍ عواید راټول شوي

د هرات د ترافیکو مدیریت مسوولین وايي، چې د روان کال له پيل څخه یې تراوسه څه د پاسه ۲۰۰ میلیونه افغانۍ عواید راټول کړي دي.
د هرات د ترافیکو عمومي مدیر ذبیح الله اکبري د باخترآژانس خبریال ته وویل، چې د یاد ولایت د ترافیکو مدیریت ۳۷ زره (ویشي) موټر ثبت کړي چې له دې جملې څخه یې زرو موټرو ته موقت پلېټونه او جوازسیرونه وېشلي دي.
هغه زیاته کړه، چې یاد مدیریت په یوه کال کې موټر چلوونکو ته لس زره لایسنسونه وېشلي دي.
نوموړي په خپلو خبرو کې وویل، چې په ښار کې ترافیکي څراغونه فعال شوي او له ښاریانو یې وغوښتل ترافیکي اشاروته پاملرنه وکړي او د سرغړونې په صورت کې جریمه کېږي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *