افغانستان

هلمند کې تخمونه او کېمیاوي سرې وېشل کېږي

د هلمند دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د افغانانو لپاره د ډنمارک کمېټې «ډاکار» په تخنیکي همکارۍ د هلمند مرکز لښکرګاه ترڅنګ ددې ولایت د ناوې او نهرسراج ولسوالیو پر ۳۶۰ مستحقو بزګرانو د غنمو د اصلاح شویو تخمونو او کیمیاوي سرو وېش لړۍ پیل کړی دی.د هلمند کرنې ریاست چارواکي وایي، چې د غنمو دغه اصلاح شوي تخمونه او کیمیاوي سرې هغو بزګرو ته ورکول کېږي، چې تر دې وړاندې ورته د سویابینو تخمونه ورکول شوي ؤ. د یادو مرسته په ترکیب کې هر کرونده ګر ته ٥٠ کیلو ګرامو د غنمو اصلاح شوی تخم، ٥٠ کیلو تور او ٥٠ کیلو سپینه سره ورکول کېږي.د دې مرستې د وېش موخه د بېوزله بزګرانو ملاتړ او په ټوله کې د دوی د کرنیزو محصولاتو زیاتوالی له لارې د یاد بزګرانو عوایدو زیاتوالي ته زمینه برابرول دي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *