افغانستان

په کندز کې د شمال ختیځ زون په کچه لابراتوار جوړېږي

په کندز کې د شمال ختیځ زون په کچه د ۱.۳ میلیون ډالرو په لګښت د یوه لابراتوار د جوړولو چارې پیل شوې.
په همدې موخه جوړو شویو مراسمو کې د عامې روغتيا رییس ډاکټر محمدالله وویل چې نن په حوزوي روغتون کې د شمال ختیځ زون په کچه د یو.ان.ډي.پي. دفتر په مالي لګښت د یو مجهز لابراتوار د جوړولو چارې د شاوخوا ۱.۳ ملیونه امریکایي ډالره لګښت پيل شوې چې په دریو میاشتو کې به ګټې اخیستنې ته وسپارل شي.
د عامې روغتيا رییس دغه لابراتوار د کندز حوزوي روغتون لپاره ډېر اړین یاد کړ او له اړونده موسسو څخه یې غوښتنه وکړه چې د روغتیا په برخه کې دې له دوی سره همکاري وکړي.
ورته مهال د ولايت مقام د دفتر رييس مولوي عبدالغفور شهیدزوی د یاد دفتر له دغه اقدام څخه د مننې ترڅنګ له نورو روغتیايي همکارو موسسو څخه غوښتنه وکړه چې اوسمهال په هېواد کې تر بل هر وخت څخه د خدمت لپاره ښه زمینه برابره شوې نو اړتیا ده چې په دې ولايت کې باید لازم خدمتونه ترسره شي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *