د اطلاعاتو او فرهنګ وزارت سرپرست ملت ته د دولت حساب ورکولو پروګرام کې وویل چې په تېر کال کې د اطلاعاتو او فرهنګ وزارت په ١٦ ولايتونو کې ١٠٠ تاريخي ځايونه سروې کړي دي. نوموړی وايي، د هېواد په بېلابېلو ولایتونو کې ۲۳۲ نوي تاریخي اثار ثبت شوي دي. نوموړي وویل چې دغه وزارت له هېواد څخه د تاریخي اثارو د قاچاق د مخنیوي په موخه ګړندۍ هڅې کړي او د تاریخي ابداتو د بیارغونې په موخه هم کوټلي ګامونه اخیستل شوي دي. هغه وویل په ۱۴ ولایتونو کې د ځوانانو هغه تعلمي مرکزونه بېرته فعال او تجهیز شوي، چې ځوانانو به په کې په مختلفو برخو کې زده کړې کولې.
