کندز کې د سپین زردولتي شرکت له لوري د هېواد له کروندو د راټول شويو ۱۵۰ ټنه وچو رومیانو لومړۍ محموله اروپا ته استول شوې ده.په همدې اړه جوړو شویو مراسمو کې مسولینو خوښي ښودلې او دا یې د هېواد د پرمختګ او ځان بسیاینې لپاره مهم ګام بللی دی.سپین زر دولتي شرکت چې له تېرو ۲۱ کلونو راهیسې تړلی پاتې و، د اسلامي امارت له راتګ سره بېرته فعال او اوس مهال په کې سلګونه کسان د پنبې، د پنبې د غوړیو، کونجاړې، کاغذي دستمالونو او نورو توکو د تولید په برخه کې په کار بوخت دي.د دغه شرکت مسولینو زیاته کړې، چې د وچو رومیانو سربېره یې لاسي صناع هم د دغه شرکت له لارې بهرنیو هېوادونو ته صادر کړي دي.
د یادونې وړ ده، چې مخکې تر دې د افغانستان تولید غیرې الکولي مشروبات او ځینې نور تولیدات هم بهرنیو هېوادونو، ان واشنګټن ته صادر شوي دی دي.
