شریعت: د بامیانو ولایت په شېبر ولسوالۍ کې د ۵ زره متره کانال او ۳ کیلومتره سړک د پاکولو چارې پیل شوې دي.
د یاد ولایت د کلیو بیارغونې او پراختیا ریاست مسؤلین وایي، چې د دغه ولایت په شېبر ولسوالۍ کې د ۵ زره متره کانال او ۳ کیلو متره سړک د پاکولو چارې د UNOPS موسسې له لوري د ۲ میلیونو ۲۰۰ زره افغانیو په لګښت پیل شوې دي. د یادونې وړ ده، چې په یاده پروژه کې ۱۴۴ تنو ته د کار زمینه برابره شوې او په بشپړېدو سره به یې ۱۷۷ کورنیو ته د اوبو او تګ راتګ آسانتیاوې برابرې شي.
