افغانستان
خلیفه سراجالدین حقاني: ملګري ملتونه دې په غونډو کې اسلامي امارت ته د ګډون حق ورکړي
د کورنیو چارو وزارت سرپرست خلیفه سراج الدین حقاني د يوناما له مشرې روزا اوتونبايوا سره وکتل.
د کورنیو چارو وزارت سرپرست په دغه کتنه کې اوتونبایوا ته د ښه راغلاست ترڅنګ وویل چې دمګړۍ په هېواد کې سرتاسري ډاډمن امنیت ټینګ دی.
خلیفه صاحب زیاته کړه، چې د اسلامي امارت استازو ته باید دافغانستان په اړه د ملګرو ملتونو له لوري په جوړېدونکو غونډو کې د ګډون حق ورکړل شي.
په ورته وخت کې د ملګرو ملتونو د سرمنشي ځانګړې استازې روزا اوتنبایوا په دغه کتنه کې وویل: په وروستیو کې د افغانستان امنیت د پام وړ ښه شوی او له لرو پرتو سیمو څخه مرکز ته د خلکو تګ راتګ زیات شوی دی.
سرچینې زیاته کړه، چې ملګرو ملتونه په بېلابېلو برخو کې له افغانستان سره مرستو ته دوام ورکړی دی.
