افغانستان

د اقلیمي بدلون له امله اوبوته دافغانانو لاسرسی محدود شوی

ملګري ملتونه وایي چې د اقلیم بدلون په افغانستان کې اوبو ته د خلکو لاسرسی محدود کړی دی. د افغانستان لپاره د ملګرو ملتونو د بشري مرستو همغږۍ ادارې یا اوچا پرون ویلي چې، د اقلیم بدلون د دې سبب شوی چې په ټول افغانستان کې خلک د اوبو له کمي سره مخامخ شي. اوچا ویلي، د هغو کورنیو چې د اوبو له کمي سره مخامخې دي، په ۲۰۲۱ کال کې یې شمېر ۴۸ سلنه و، چې په ۲۰۲۲ کال کې هغه ۶۰ سلنې ته پورته شوی دی. اوچا ویلي، د روان ۲۰۲۳ کال لپاره په افغانستان کې د اوبو او چټلو اوبو د بحران د حل لپاره څه باندې ۴۷۹ ميلیونه ډالرو ته اړتیا ده. د شویو څېړنو د پایلو له مخې په دې وروستیو کلونو کې د افغانستان په ډېرو سیمو کې د تر ځمکې لاندې اوبو سطحه هم ډېره ټیټه شوې ده. د افغانستان لپاره د اروپايي ټولنې استازولۍ تېره اونۍ په یوه ټویټ کې ویلي چې افغانستان د بشري بحرانونو او طبیعي پېښو له اړخه په نړۍ کې له خطر سره مخ څلورم هېواد دی.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *