افغانستان

د خوړو نړیوال پروګرام بې وزله افغانانو سره د مرستې غوښتنه کړې

د خوړو نړیوال پروګرام وايي، په راروانه اپرېل میاشت کې د افغانستان شاوخوا ۱۳ میلیونه اړو خلکو ته د بشري مرستو د رسولو لپاره سمدستي ۹۳ میلیونه او په راتلونکو شپږو میاشتو کې ۸ سوه میلیونه ډالرو ته اړتیا لري. ډبلیو ایف پي په یوه بیان کې چې پرون په ژنیو کې د ملګرو ملتونو دفتر خپور کړ، د دې بسپنې غوښتنه کړې. دې ادارې ویلي، چې په افغانستان کې کورنۍ د زیاتېدونکې لوږې په ګډون له پرله پسې ستونزو سره لاس ګرېوان دي. د یادې ادارې ادارې د معلوماتو له مخې نږدې شل میلیونه افغانان نه پوهېږي چې بل څاښت خواړه به له کومې لارې ترلاسه کوي او شپږ میلیونه کسان له قحطۍ څخه یوازې یوګام واټن لري.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *