افغانستان
د ملي دفاع وزارت دوه چورلکې ترمیم او الوتنې ته چمتو شوې
شریعت: د ملي دفاع وزارت دوه نورې ویجاړې شوې چورلکې ترمیم او الوتنې ته چمتو کړې.
شریعت: د ملي دفاع وزارت دوه نورې ویجاړې شوې چورلکې ترمیم او الوتنې ته چمتو کړې.
د ملي دفاع وزارت د دوو نورو چورلکو د بېرته رغولو او الوتنې ته د چمتو کولو خبر ورکړی دی.
یاد وزارت د یوې خبرپاڼې په خپرولو سره ویلي، چې د ملي دفاع وزارت د هوايي ځواکونو د عمومي قوماندانۍ د تخنیکرانو او منسوبينو د هڅو په پايله کې دا ځل د «35MI-» او «208C-» دوه نورې چورلکې فعالې شوې.
خبرپاڼه کې همدارنګه ویل شوي، چې د ویجاړو شویو او غیر فعالو چورلکو د بيا ځلي فعالولو او رغونې لړۍ دوام لري.
د یادونې وړ ده، چې د ملي د فاع وزارت د هوايي ځواکونو تخنکي او انجنیرۍ ټېمونو تر دې وړاندې هم یو شمېر ویجاړې شوې چورلکې بېرته رغولي او الوتنې ته یې چمتو کړې وې.
