د نیمروز د کنګ ولسوالۍ په سرشیله سیمه کې د یوه اوسپنیز ۳۰۰ متره کانکريټي پُل رغنیزې چارې د ورستیو بدلونونو له امله په ټپه درېدلي وې، د ټولګټو چارو وزارت د کلیو او لار جوړونې ملي پروګرام له خوا بېرته پیل شوې.
دا پُل چې ۳۰۰ متره اوږدوالی او ۱۱ متره پلنوالی لري، د نیمروز د کنګ ولسوالۍ په سرشیله سیمه کې، د زرنج – کنګ ولسوالۍ پر سړک، د هلمند سیند په فرعي ښاخ کې جوړېږي، چې د نیمروز مرکز زرنج ښار له کنګ ولسوالۍ سره نښلوي.
یاد پُل دواړو لورو ته ۳۴۰ متره اسفالټ سړک او ۴۰۰ متره محافظوي دېوال هم لري، چې رغنیزې چارې یې له وړاندې ۸۰ سلنه بشپړې شوې وې.
