افغانستان

هرات ښار کې ۵۰ پروژې پلې کېږي

د هرات ښاروالۍ مسوولین وايي، چې روان کال په دغه ښار کې ۵۰ پروژې ترلاس لاندې لري، چې په بشپړېدو سره به یې د ښار بڼه بدله شي.
د هرات ښاروالۍ ویاند محمد ناصر آرمل وویل، چې په دغو پروژو کې څلور لویې پروژې چې په کې د کانالونو او سړکونو جوړول شامل دي، پلې کېږي.
آرمل زیاته کړه، چې روان کال په دغه ولایت کې د دغه ادارې عواید یو میلیارد او ۸ میلیونه اټکل شوي، چې له دې جملې څخه به ۷۱۵ میلیونه افغانۍ په بېلابېلو پروژو ولګول شي.
نوموړي وویل، چې د روان کال له پیله تر دې دمه دغه ښاروالۍ ۱۲۰ میلیونه افغانۍ عواید راټول کړي دي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *