پروان کې يو شمېر رسنيو او خبريالانو سره مرسته وشوه

شریعت: د پروان د کلیو، بیا رغونې او پراختیا ریاست مسوولین وایي، چې په دغه ولایت کې د رسنیو فعالیتونو د پراختیا او دغه راز د پېښو پر وخت انعکاس په موخه یې له یو شمېر خبریالانو سره مرسته وکړه.

د پروان د کلیو، بیا رغونې او پراختیا رئیس ملا عبدالصمد صادق په دغه ولایت کې د رسنیو  له یو شمېر مسوولینو او خبریالانو سره په کتنه کې هغوی د ټولنې سترګې او غوږونه وبلل او د ورځنیو پېښو او دولت د مهمو لاسته راوړنو په انعکاس کې یې د خبریالانو رول مهم وباله.

نوموړي خبریالانو ته په خبرو کې وویل، چې هڅه کوي د په هره برخه کې د خبریالاتو ډېر ملاتړ وکړي.

په دغه کتنه کې د رسنیو مسوولینو او خبریالانو د دغه ولایت د کلیو، بیا رغونې او پراختیا رئیس ملا عبدالصمد صادق له همکارۍ مننه وکړه او پر وخت د خبر رسونې ډاډ یې ورکړ.

د یادونې وړ ده، چې د دغه کتنې په پای کې د رسنیو مسوولینو او خبریالانو د ملاتړ  په موخه روغتیایي کېټونه هم ورکړل شول.