افغانستان

پنجشېر ته ۸ تنه پولنډي سیلانیان ورغلي

د پنجشېر د اطلاعاتو او کلتور ریاست مسوولین وايي، چې د دغه ولایت د تفریحي او تاریخي سیمو څخه د لیدنې په موخه د پولنډ هېواد ۸ سیلانیان ورغلي دي.
د دغه ولایت د اطلاعاتو او کلتور رییس مولانا نصرالله ملک زاده له دغو سیلانیانو سره په لیدنه کې وویل، چې په دغه ولایت کې بشپړ امنیت د دې لامل شوی، چې ډېری بهرني سیلانیان دغه ولایت ته سفر وکړي.
ملک زاده زیاته کړه، چې د سیلانیان سفرونه کولی شي د نورو هېوادونو کلتور او اړیکې له یو بل سره نږدې کړي.
باید وویل شي، چې د اسلامي امارت په راتګ سره په هېواد کې د امنیت په تامین سره بېلابېلو ولایتونو تاریخي او تفریحي سیمو ته سلګونو بهرنيو سیلانیانو مخه کړې ده.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *