افغانستان

په ننګرهار کې د څه باندې ۷ میلیونو افغانیو په لګښت یوه پروژه ګټې اخیستنې ته وسپارل شوه

د ننګرهار د کرنې، اوبولګولو او مالدارۍ ریاست مسوولین وایي چې په دغه ولایت کې د ۷.۲ میلیونو افغانیو په لګښت د اوبو رسولو یوه شبکه ګټې اخیستنې ته سپارل شوې ده. د ننګرهار د کرنې اوبولګولو او مالدارۍ ریاست مسوولینو د باختر آژآنس سیمه ییز خبریال ته وویل، چې دغه پروژه د یاد ولایت په اچین ولسوالۍ کې د ملګرو ملتونو د پرا ختیایي پروګرام په مالي ملاتړ د ۷.۲ میلیونو افغانیو په لګښت ګټې اخیستنې ته وسپارل شوه.
سرچینې زیاته کړه چې د یادې پروژې په بشپړېدو سره ۸۵۰ جریبه ځمکې ته د اوبو رسولو زمینه برابره شوې ده.
د یادونې وړ ده چې د یادې پروژې په پلي کېدو سره ۲۹۳ کسانو ته د کار زمینه برابره شوې وه او له یادې پروژې څخه نږدې ۳۰۰۰ زره کورنۍ برخمې شوې.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *