کابل ښاروالۍ:له کمپنۍ څخه تر برچي پورې د استملاک شویو کورونو مالکانو ته یې حقونه ورکول کیږي

شریعت: کابل ښاروال مولوي عبدالرشید، له کمپنۍ څخه تر برچي پورې د نښلوونکي سړک په اوږدوکې د استملاک شویو کورنو د ویجاړولو او نورو خنډونو
د لرې  کولو چارې له نږدې ولیدې او د چارو دلا ګړندیتوب لپاره یې اړوندو مسوولانوته لازمې سپارښتنې وکړې.

دغه سړک چې،(۲,۲) کیلومتره اوږدوالی او (۳۰) متره پراخوالی لري او دیوه معیاري سړک ټول جزیات پکې شامل دي، پنځمه ناحیه له دیارلسمې ناحیې سره نښلوي.

د یادولو وړ ده چې، په خپل وخت سره ددې پروژې د پلي کولو په موخه یاد سړک دجوړولو چارې له دواړو خواوو په چټکۍ سره روانې دي.

کابل ښاروالۍ چمتو ده څو د دې سړک په اوږدوکې د استملاک شویو کورونو مالکانوته د استملاک قانون له مخې حقوق ورکړي.