شریعت: د کوچني اختر په شپو ورځو کې د هېواد د بېلابېلو ولایتونو شاوخوا ۳۰ زره سیلانیانو د کونړ له طبیعي ښکلاګانو څخه لیدنه کړې ده.د دغه ولایت د اطلاعاتو او کلتور ریاست مسؤلین وایي، چې شاوخوا ۳۰ زره سیلانیان د اختر په دې شپو ورځو کې د نورو ولایتونو نه کونړ ته راغلي او تر خپله وسه یې د سیلانیانو لپاره آسانتیاوې برابرې کړې دي.د مسؤلینو په وینا، چې هڅه کوي د سیلاتیانو پر وړاندې شته ستونزې هوارې او ورته لازمې آسانتیاوې برابرې کړي.
