د بهرنیو چارو وزارت: پر فلسطینیانو د اسرائیلو وحشیانه برید په کلکو ټکو غندو

شریعت: د افغانستان اسلامي امارت د فلسطین په جنین ښار کې د اسرايیلي رژیم عسکرو د وحشیانه برید په ترڅ کې د نهو تنو مظلومو فلسطینیانو په شهادت رسول او ګنو نورو ټپي کیدل په کلکو ټکو غندي، له الله تعالی نه شهیدانو ته د مغفرت او ټپیانو ته د عاجلې شفاء غوښتنه کوي.
د افغانستان اسلامي امارت پر نړیوالو غږ کوي چې د مظلوم فلسطیني ولس د اسلامي او انساني حقوقو د خوندي کولو په پار د اسرائیلي رژیم د بشر ضد مظالمو په وړاندي خپل غږ پورته او عملي اقدامات وکړي.