افغانستان

د خوړو او کرنې سازمان د اوبو د مدیریت برخه کې د همکارۍ ټټر وهلی

د اوبو او انرژۍ وزارت د دغه وزارت د رهبري او د ملګرو ملتونو د خوړو او کرنې سازمان(اف، اې،او) ترمنځ د همغږۍ د ناستې خبر ورکړی دی. د اوبو او انرژي سرپرست وزیر ملا عبداللطیف منصور او د دغه وزارت د اوبو مرستیال مجیب الرحمن عمر آخندزاده په یوه ناسته کې په افغانستان کې د ملګرو ملتونود خوړو او کرنې سازمان( اف، اې،او) له رئيس ښاغلي ریچارد ترینچارد سره د دواړو لورو ترمنځ د ګډې همغږي او همکاري په هکله بحثونه او خبرې اترې کړي دي. د اوبو او انرژي سرپرست وزیر په دغه ناسته کې، په هېواد کې د پرله پسې وچکاليو او اقلیمي بدلونونو وضعیت ته په نغوتې سره د اوبو او انرژي وزارت او نړیوالو سازمانونو ترمنځ د اوبو په سکتور کې د ګډې همکاري د ارزښت په هکله خبرې وکړې او ټینګار یې وکړ، چې د دې همکاریو د لا بهترولو لپاره د همغږۍ زیاتولو ته اړتیا ده.
ورته مهال، د ملګرو ملتونو د خوړو او کرنې د سازمان رئيس هم په مرکز او ولایتونو کې د همغږي او تخنیکي همکاري پياوړتیا د اوبو د مدیریت پروژو د پلي کولو په برخه کې ګټور او اغېزمن وبلل او ډاډ یې ورکړ، چې دغه سازمان چمتو دی چې د اوبو سکتور د چارو په پرمخ وړلو کې د اوبو او انرژي وزارت سره په همغږي او ګډه توګه همکاري وکړي.

Related Articles

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *