بې پرې او په نړیوالو معیارونو برابرې رسنۍ مستند خبرونه او معلومات تر نړۍ رسوي، خو بر عکس یو شمېر مغرضې او مطلبي رسنۍ بیا د سمو معلوماتو او کره خبرونو پرځای د زهرو په شان تېز، یو اړخیز او سلیقوي تبلیغات خپروي ، د دې رسنیو د خپرونو په اړه سالم او عادلانه قضاوت اوس د هر چا په ذهن کې پروت دی ځکه ټول پوهېږي چې رسنیو د درواغو له وجې خپل مسلکي رسالت او ماهیت بایللی ځکه نشرات یې له معیاري چوکاټ نه داسې وتلي چې له افغانانو سره کاملاً د مدعیانو په بڼه عمل کوي، همدې رسنیو د ژورنالېزم اصول تر پښو لاندې کړي ځکه داسې درواغ وایي چې د اورېدونکو په سر اور بلوي، له ډېرې کوچنۍ موضوع داسې تبلیغاتي وسیله جوړوي چې د خبر او ژورنالېزم په اصولو کې هېڅ مورد نلري ، دیوې موضوع یا کومې پېښې په اړه چې د دوی په زړه جوړه تبلیغاتي جنبه ولري، تور په سپین او سپین په تور نوموي، چې د دوی په بې شرمۍ یې اورېدونکي پرې خجالت کېږي ، موږ دوی ته توصیه نه کوو، بلکې ور په زړه کوو او دغه حقیقت ته یې پام را اړوو چې که چېرې کومه رسنۍ له خپلو اورېدونکو نه د خپلو خپرونو د منلو تمه لري باید په درواغو کې له افراط او په خپرونو کې له کج زبانۍ لاس واخلي او داسې حقیقتونه خپاره کړي چې اورېدونکو ته یې د منلو وړوي بیا هم دغه تکي ته اشاره کوو د دې لپاره چې خپل خبرونه یا نور معلومات په اورېدونکو ومني، لازمه ده چې رسنیز رسالت په پام کې ولري، له دقت، حقیقت او تعادل چې د ژورنالېزم اساسي او بنیادي اصول دي کارواخلي ، نه داچې په خپلو خود غرضه خپرونو کې دومره افراط وکړي چې دوست اورېدونکي یې هم خپله رادیو خاموشه اوپه دوی لعنت ووایي.زموږ خبره د ځینو رسنیو پریو اړخیز مضریت تکیه ده او بیا مو هم پیغام دې رسنیو ته دادی چې د بېځايه تبليغاتو پر ځای خپل ژورناليستيک اصل ته په پام خپل مسئوليتونه ادا کړي او خلکو ته پر وخت او دقيق خبرونه ورسوي.
حیا ت الله حلیم
